كلام القلوب

[خفيف الظل]

يابنت خلي القرابه على جنب
............... وشوفي القلوب شلون تعشق بعضها

شوفي القلوب شلون لاحبت تحب
............... تنسى الخلايق لأجل توصل غرضها

القلب لامن حب.. يابنت .حب
.............. حبه .. نزيه ..وعشـرته ..ماأفترضها

ماهو مثل حب السوالف أو الكذب
............. وعلاقته .. مولأي بنت..... يعرضـها

لاحب بنتٍ .. كمل بقربها الـدرب
............. صفى لها .... ودروبـهن .. ماركـضها

يابنت بعض الحكي يتعب القلب
............. وبعض السوالف ... مو لزوم نعرضها

سكت مولأن السؤال المنطرح صعب
............... إجابتي ...أحترت ... كيف أعرضـهـا

أخاف اقول ..أخذل أحاسيس هالقلب
................ أخاف أجاوب .. والجواب.. يغمضهـا

قلتيلي ..(حبك).. يمكن يكون للقرب
................ يمكن ...علاقتنا ... الزمان أفـتـرضهـا

قلت :العفو ..لاتسأليني..عن الحب
................. أخاف أقول... وبعض الأشيا أكترضها

بس أسمعي هالقول من مبدأ الحب
............... أحساس ... مو..(آراء ناس) ... تعرضها

صحيح ..يربطني أنا وأنتي القرب
............... وحب القرابه ...(حكمه) ... ما نعتـرضها

لكن .. غلايه لك من القلب للقلب
...............( محبة ً).... فوق ...اللي ربي..(فرضها)

حبي لك أكبر من كلامي عن الحب
................ وعشقي لك أكبر من.. (هروج أعرضها)

حتى لو أسكت..لانشدتي عن الحب
................. ماهو دليل ... إن المحبه .... أفترضهـا

أنتي سألتيني ..عن أحساس هالقلب
................. وأنا الإجابه ... أحترت ..كيف أعرضها

خفت أتكلم وأكسب من الحكي ذنب
................... وخفت السكوت ... (وكذبتي) تفترضها

لكن مدامك ... سأله.. سأله.. برب
.................. وفيك ..(المشاعر) .. تبغى توصل ..غرضـها

لاتسأليني ... وأتركينا..على جنب
................. خلي القلوب ... بصدق ..(تسأل بعضها)

[قطر المطر]

شوفي القلوب شلون لاحبت تحب
............... تنسى الخلايق لأجل توصل غرضها

القلب لامن حب.. يابنت .حب
.............. حبه .. نزيه ..وعشـرته ..ماأفترضها

يا ليت المقصود يسمعك
اشكرك اخي خفيف الظل على هذه الروائع
تقبل مروري

[خفيف الظل]

الله يعطيك العافيه اخي قطر المطر
تحياتي لك
من خفيف الظل

[شذى الاحساس]

كلاام رائع

مشكووووووور

[خفيف الظل]

مشكوره اختي شذى على المرور
تحياتي لك
من خفيف الظل